السبت 13 أبريل 2024

زوجتى لا تعمل بقلم نشوه عادل

موقع أيام نيوز

الطبيب النفسي : مشكلتك ايه يا افندم ؟
الزوج  :  تعبت من ضغط العمل والروتين.
الطبيب      :   بتشتغل ايه ؟
الزوج        :    محاسب في بنك.
الطبيب : مراتك بتشتغل ايه ؟
الزوج : لا تعمل مجرد ربة منزل.
الطبيب   :    مين بيصحيك و يصحي ولادك ويجهز الفطور ليك وليهم في الصباح ؟
الزوج   :    زوجتي ﻷنها لا تعمل
الطبيب :   امتى زوجتك بتصحي و امتى أنت بتصحي الصبح ؟
الزوج   :   زوجتي في الساعة 5 صباحا وأنا في الساعة 7 لأنها بتجهز الأولاد للمدارس وتجهز  لنا الفطور!
الطبيب: مين بيوصل أولادك للمدرسة ؟
الزوج    :   زوجتي لانها لا تعمل.
الطبيب : زوجتك بتعمل ايه  بعد توصيل اﻷولاد للمدرسة ؟ و انت بتعمل ايه ؟
الزوج   :   بترجع تجهز   الغداء وتغسل الهدوم و توضب البيت و تستني رجوع الأولاد لانها بدون وظيفة و لا تعمل !!                                          وانا اروح لشغليي لحد الثالثة بعد الظهر !!!!



الطبيب   :   في المساء لما بترجع من شغلك بتعمل ايه يا استاذ ؟ و مراتك بتعمل ايه؟؟
الزوج   :   بريح شوية بعد الغداء بعد يوم شاق من العمل و زوجتي بتذاكر مع الأولاد واجباتهم اليومية و بعدين تصحيني نشرب الشاي سوا !!!
الطبيب  :   و انت بتعمل ايه بعد كدة و مراتك بتعمل ايه في المساء ؟؟
الزوج   :   أقرا الجرايد وأتفرج علي التلفزيون و اشوف أخبار العالم و زوجتي تجهز العشاء لي و للأولاد و بعدين تغسل الصحون وتنضف البيت وتجهز اﻷولاد للنوم ..
اﻵن مين منكم محتاج لطبيب نفسي أنت ولا  هي يا استاذ و مين محتاج للراحة من ضغط العمل أنت ولا هي ؟!!
هو الروتين اليومي للزوجة من الفجر لحد نص الليل بتسميه  "لا تعمل"؟ و بدون وظيفة ؟!!! و بعدين انت اللي تشتكى من ضغط العمل ؟!!

تحية وتقدير لكل نساء العالم